нагрудной знак «Педагогическая династия РС (Я)» - 2006г.

 Эссе «Слово о моей профессии»         

Математиканы саамай туочунай наука дииллэр. То5о? Төгүллүүргэ-түңэтэргэ биир да сыыппараны ал5аһыыр сатамматын эрэ иһин буолуо дуо? Биллэн турар, суох.             Математика наука быһыытынан үөдүйүө5үттэн биир үгэһи халбаңнаабакка тутуһар. Ол саңа тахсар түмүк (результат) урут дакаастаммыт чахчылартан логика халбаңнаабат сокуоннарыгар уонна чуолкай суоттааһыңңа оло5уран үөскүүр буолла5ына эрэ сөп диэн аа5ыллар. Математика – туһугар уустук искусство.            Биллиилээх математик – учёнай, элбэх учебниктар автордара Колмогоров Андрей Николаевич этэн турар: «Соприкосновение, скажем, с математикой как творческой деятельностью имеет большое значение для развития творчества вообще» диэн. Бу этиини кытта сөбүлэһэбин уонна үөрэтэр-иитэр үлэбэр тутуһар принцип оңостобун. Үөрэтии биир дьоһуннаах соруга – билиини айымньыылаахтык туһанар киһи тус бэйэтин иитэн таһаарыы. Онон, математика предметин үөрэтии математическай билии төрүтүн биэриини таһынан үөрэнээччи, логика сокуонугар оло5уран, хаайтарбакка толкуйдуур дьо5урун сайыннарыахтаах дии саныыбын.            Ханнык ба5арар о5о уһукта илик саңаны айар-оңорор дьо5урдаах. Ол уһукта илик дьо5уру уһугуннарар, бэйэтин холоноругар кыах биэрэр, о5о5о дьулууру угуйар, санаатын күүһүрдэр, үөрэнээччини кытта бииргэ үлэлээһин, кини айымньыылаахтык, логика сокуонугар оло5уран толкуйдуур дьо5урун аһыы, дьо5ура сайдарыгар олук  ууруу  - бу билиңңи учуутал иннигэр турар чэпчэкитэ суох проблема.            Бэйэ күүһүгэр эрэнии о5ону кынаттыыр, саңаттан саңа билиигэ угуйар, уустук балаһыанньаттан сиэрдээхтик тахсарга холонор, бэрээдэктиир, о5о ис туругун бө5өргөтөр диэн бигэ эрэллээхпин.